chiniroling on Xanga

Weblog

Sunday, 25 January 2009

第一次....可能係最後一次

嗚....好耐無打過xanga....
見有d悶所以想打下....有書唔溫....好抵死呀

前日打左封信...尋日終於比左佢...如果唔係注定...就無可能比我交到佢手上
但係...點解個結局會係咁ge.....太正常...太平安loo.....
以為會無左個好好朋友...點知係無事嫁喎......

其實咪幾好....以後大家都係好好ge朋友...有個二人的秘密...二人的時光..二人的對話內容

我好記得我曾經發夢夢到小珠....仲話如果見到佢我會點點點....
原來5年後ge我....都好似無咩變....仲係咁幼稚.....咁唔成熟
唉...仲要幾多時間.....我先會真真正正咁變得成熟......定係...呢d野見仁見志嫁

我都唔敢loo....我諗打後時間...2年...3年...4年...或者會更長ge時間....我唔敢對任何一個人有興趣
因為....得個講字....我唔成熟.....我連任何事我都做唔到

經過呢件事....我要更相信大家ge朋友關係....我疑心太重喇....成日唔敢信人...
一日唔係由口中聽到你ge說話....我都唔會盡信係你ge想法.....
anyway....要相信.....因為朋友要以誠信相待

Saturday, 25 October 2008

無錯係辛苦...但...我喜歡

約有2個月時間無打日記了
暗示.....我d時間都唔算好free.........
2個月的事情有很多.....但.........無咩心機打出來

我生活得算平安........比中六時平安.........當你不能改變環境....就只可改變心境
肯放低的話就一定會有一片新天地.............宜家唔諗咁多....只為alevel而付出.....心甘情願....好過一廂情願

好忙.....好形式化的生活.....一至五返學...放學又補課....返屋企又再溫習.....星期六又出去補習...星期日就用來清家課同溫書..........日至一都係alevel............惟獨係咁......先唔使我亂諗野........可能係辛苦....但總比諗埋一邊更好......辛苦...但我喜歡.............

人生....一向都係一條又一條ge general formulae........唔係咩 ?

Friday, 05 September 2008

最後一個學年的第一星期

最後一個學年的第一個星期...幾平安咁度過
數數手指.....剩下的....連半年都無....因為仲要計埋12月同2月ge假.....
得5個月到......仲要未計d突發事.....(d仆街老師去呢到去果到....又整d空堂出黎)
結果死哂屎....無時間喇....開學就話要補課....情況仲衰過thmss ce時
死果個唔係你....但係你就成日提醒我就快死......咁你就好心幫下手認真d喇.....唉....

得返5個月到可以著校服ge時間....打後....再唔會有受限受壓的感覺........以經驗黎睇......
1,2年後....應該會想再黎多次........不過.....做人最好避免令轉望

就因為5個月時間絕對短...所以真係想呢5個月唔快樂都平平安安咁過....至少係正面ge回憶.....

開學第一星期....過得幾ok.......
"唔係你ge野就唔好乞！有就接受....無就千其唔好苦求！.....你只係個普通人......."
"宜家只有我對人....無人對我...我想點就點！......無人可以煩到我搞到我......."

個感覺其實都唔錯....我話過
”人為問題而煩並唔係因為問題出現...而係人仲未有應對問題ge態度”
宜家我搵到個態度....要把握！.........

5個月......你係為讀書而走入學校嫁.....唔係.....為咩呀？！仲唔郁？！

Tuesday, 26 August 2008

只有苦幹就唔使亂諗野...........

今個星期過住自閉生活....因為我手頭上太多野未做

難得.....我竟然可以咁聽自己話.....乖乖地慢慢完成工作.....因為平時我絕對唔會咁...愛同自己鬥氣

始終...只有忙碌的生活係適合我.....回想剛放暑假到暑期中....因為太free....搞到自己不斷愛亂諗野.....
痴左線la.......

呢個星期忙住做野....所以根本唔可以費心係其他事上......眼前只有共同目的

做我呢個人真係幾著數.....搵d野比自己做就實唔怕諗錯野行錯路.......

"我空住手入黎..就預左空住手走出去....最多拎張cert.....別掛絲毫感情......因為你無欠我....我更加無欠你......記住！！”

拎住呢個信念.....就更加好

老羊吃得肉多都會覺肉腥......都好想做返小羊食下草草.....雖然唔多飽......或者食草可能唔係為左飽肚.....而係.....為左合乎"羊要吃草"呢個道理...........(好似好難明=.=")

Wednesday, 20 August 2008

老土講句...多謝哂....

尋日又如常過住最鐘意ge星期三....因為太多野學喇
不過尋日多左個人...帶左梓綸去自修室....不過太多人..所以被迫出返黎...原本話出黎溫書..結果搞到唔知點咁....sor呀.....同埋3個人ge組合都好似好怪咁.....好似幾悶下......

梓綸補左econ就走左.....

之後去左食晚飯....

我同你講過咁多野....但好似有d野始終未開口同你講過.....我其實真係發自真心想同你講哂多謝....
你成日話我知....有d野只係得我同你幾位朋友講得出..可以分享到...但係...你愈咁講...我愈覺得自己幫唔到你d咩....我知道ge只係你成日幫我解決問題.....如果無你d睇法...我又唔知要繼續辛苦幾耐......

尋日返到去即刻delete哂d xanga.....咁樣應該會令自己好過d...又係從你d睇法到領悟到....

好坦白...每次同你見面後...我總覺得我一定可以從你身上拎到d野走....可以話係你一定會袋d野落我ge袋......我心諗....除左你外...我都好少會咁樣去認同一個人.....
但係我呢....我只係一d只識聽人地問題...但又唔識幫人解題ge人....感覺上好似無樣野得.....次次聽左你問題後....我比ge反應只係點頭......我唔知你會唔會介意....但係...我就真係好介意......

我好想係你面前做到d野......不過.....可能係2個人角色ge問題......角色ge問題呢d野無得變...所以先令到我地d關係會以呢種方式一直落去.........

真係好感激.....都唔記得幾多次喇.....你開解我......
但係...我想你知ge係....呢個世上永遠無一樣叫 "無左你就會死" ....除左水同氧氣外...無野會出現 "必" 呢個字....你應該明白我ge意思.......
我希望你唔好認為只有我可以分享你d野......其實我只係一個普通人.....我咩都做唔到....又點會好似你講咁.....咁有存在價值?

仲有一樣野.....你話ue都有得捉路....我現在先相信....咁又點?!
ue都係照住個譜黎出.....我相信ge係.....逢係一d涉及 "人" ge事情....都一定搵唔到general solution....
係你自己話 "就因為事情一定有2個或更多方法解決...所以先做出更多麻煩".......
你套方法我尋日諗完....都係覺得most呢個字係一個錯誤ge形容.........
記住....逢係一d涉及 "人" ge事情....都一定搵唔到general solution....因為.....人ge思想唔係照住個譜黎出......就係咁簡單......